12 Elementet Bazë Për Çdo Shtëpi

Për të krijuar një shtëpi të këndshme dhe tërheqëse, nuk keni nevojë për buxhet të madh, por – për kreativitet dhe imagjinatë për të shprehur personalitetin tuaj.

Dekorimi i mureve

Muri i bardhë nuk duhet të jetë i mërzitshëm – sepse aty mund të vendosni krijimet tuaja artistike – dhe kjo gjë kushton fare pak.

Holli hyrës

Një ulëse interesante u lë përshtypje mysafirëve – që të ulen dhe t’i zbathin këpucët me komoditet, ndërsa muri me ngjyra të shndritshme do të japë një pamje elegante.

Deponimi kreativ

Vendi ku i ruani sendet tuaja mund të shërbejë edhe si një copë dekorative – që duket sikur kur mbi raftet e bardha vendosni sendet laramane.

Një pikë referuese

Tregoni se keni stil duke vendosur gjëra të pazakonshme, siç është një llambadar mbi tryezë.

Një kuzhinë e organizuar mirë

Kur çdo gjë është në vendin e vet, punët në kuzhinë do të kryhen më lehtë.

Hapësira për ngrënie të ushqimit

Është vendi ideal ku ju e ndani ushqimin tuaj me dikë që e doni, dhe ku mund të përjetoni kënaqësi në shoqërinë e miqve tuaj.

Këndi inspirues i punës

Pavarësisht nëse bëhet fjalë për një kënd të dhomës, apo për një dhomë të tërë, këndi i punës duhet të jetë i mobiluar bukur, dhe sa më pak i ngarkuar, në mënyrë që t’i shmangeni stresit.

Hapësira për çlodhje

Është qëndrimi ditor me shumë ndriçim, që reflekton stilin tuaj të jetës, ndërsa duhet të jetë i mobiluar me ulëse ose karrige të rehatshme.

Dhoma e gjumit

Vështirë se mund të keni ëndrra të ëmbla dhe të ndjeheni mirë në një dhomë kaotike. Andaj, vendosni jastëk pelushi dhe tepih të butë, që të arrini efektin e dëshiruar.

Gardëroba

Është pothuajse e pamundur që në mëngjes të bëheni gati për t’i kryer obligimet tuaja ditore, nëse dollapin e gardërobës nuk e keni të rregulluar. Andej vendosni rregull edhe në dollapin tuaj, dhe përpiquni ta mirëmbani atë.

Banjë me karakter

Përpiquni që banjën tuaj të bëni të veçantë – duke vendosur brenda saj një karrige antike ose ilustrime në kornizë.

Hapësirë e hapur

Një vend privat ku ju mund t’ gëzoheni ndonjë rrezeje të diellit është shumë i vlefshëm. Nëse nuk keni oborr, përpiquni që një vend të tillë të krijoni në ballkon ose në tarracë.